Minister Ditleffs vei 22 – 509

0862 OSLO Oslo, 11.01.2005

Fråsegn om sjøområda, språk og samferdsel

No utvidar Kongeriket Noreg sitt territorialfarvatn til 24 nm, så tar Den Demokratiske Republikken Gulating (DRG) over kontrollen i farvatnet ut til 12 nm. Vestlandet si økonomiske sone blir strekt til 44 nm, dvs til rett forbi Troll-feltet. Me baserer denne siste avgrensinga på historiske rettar i dette området, bl.a. er Troll eit av dei ytste punkta som kan sjåast frå land, og med at republikken i den første fasen ikkje har kapasitet til å administrera alle ressursane i heile den tidlegare norske økonomiske sona i Nordsjøen. Rettigheitene til Troll-feltet må overførast til republikken (frå Petoro AS / SDØE - Statens Direkte Økonomiske Engasjement og Statoil), som vil gje oss eit solid grunnlag for framtida. Statsføretak frå Kongeriket Noreg som driv verksemda si innanfor 44 nm-grensa, skal overførast utan vederlag til Republikken Gulating. Kongeriket Noreg får førebels rett til å administrera og henta inntekter frå olje- og gass-utvinninga på området utanfor 44 nm-grensa.

- Andre statsføretak som driv utvinning av energi eller andre naturressursar på, under og over landjorda på området vårt, skal overførast snarast og utan vederlag til Republikken Gulating.

- Andre føretak som driv utvinning av energi eller andre naturressursar som over, skal skattleggast av Republikken Gulating på same måten som tidlegare av Kongeriket Noreg.

- Som meldt tidlegare, blir Republikken Gulating etablert som verdas første nynorske stat.

Dette medfører bl.a. følgande endringar frå noverande lovgiving og reguleringar :

- Mobiltelefonar som blir selde i republikken, skal ha målet ("nynorsk") som standard språk, med bokmål som eit alternativt språk ved sida av bl.a. svensk og dansk.

- Tospråklegheit/fleirspråklegheit skal fremmast gjennom eigen lovgiving i DRG.

Det blir derfor førebels ikkje aktuelt å stoppa undervisninga i "sidemål" i skulane.

- Det skal etablerast felles fleirspråklege radio- og tv-sendingar for DRG.
Det blir førebels arbeidd med ein felles web-portal for web-tv og web-radio i Noreg, Skottland, Færøyane, Island, Grønland og Newfoundland. Sjekk www.republikkengulating.no.

- Det skal etablerast betre samferdsel mellom delane av DRG, med tollfri handel på båtar og fly.

Øyvind Heitmann

11.01.2005
stasministeren Republikken Gulating